KRYETAR I BASHKISË Znj. Festime Mjeshtri
Festime Mjeshtri ka lindur më 14.03.1973 në fshatin Tërbaç, Njësia Administrative Ostren. Ajo përfundoi studimet e larta, dega “Infermieri” në Universitetin Aleksandër Xhuvani.
Pas përfundimit të studimeve, ka punuar si Specialiste Promocioni në Njësinë Vendore të Kujdesit Shendetësor, Bulqizë për rreth 10 vjet. Gjatë kësaj periudhe Mjeshtri ka kryer shumë trajnime në fushën e shëndetësisë. Gjithashtu ajo ka punuar si Mësuese me kohë të pjesshmë në shkollën “Qendra e Formimit dhe Arsimit Profesional”, në qytetin e Bulqizës.
Në vitin 2022 ajo mori detyrën si Drejtor i Spitalit të Bulqizës.
Njëkohësisht, Znj.Mjeshtri ka mbajtur pozicione të rëndësishme si: bashkëkryetare e Partisë Socialiste dega Bulqizë , anëtare e Asamblesë Kombëtare dhe delegate në Kongresin e PS.
Nga Maj 2023, Znj. Festime Mjeshtri është kryetare e Bashkisë Bulqizë.
