Bashkia Bulqizë çel zyrtarisht sezonin turistik 2022.

Shumë qytetarë, të rinj e të reja dhe përfaqësues të pushtetit lokal u mblodhën në #FushëBulqizë në një atmosferë festive, që përkoi edhe me festimet e Shën Gjergjit.

Në fjalën e tij përshëndetëse, kryebashkiaku z.Lefter Alla vlerësoi mundësitë mbresëlënëse që Bulqiza ofron për turizmin malor. “Bulqiza është mbresëlënëse për mundësitë që ofron për turizmin malor. Nga shpellat shekullore, te liqenet malore, e dhjetëra monumente të tjera natyrore mund të vizitohen në vetëm një orë larg kryeqytetit. Bujtinat e ngritura rishtazi ofrojnë traditën dhe mikpritjen bulqizake si askund tjetër.”, tha ai ndër të tjera.

Ndërkohë, atmosferës së festimeve iu bashkua edhe programi artistik i nxënësve të shkollës së mesme të bashkuar Asllan Keta, si edhe gatimet tradicionale të përgatitura me mjeshtri nga amvisat bulqizake.