🇦🇱Festimet e 28-29 nëntorit kanë vijuar sërish sot me një program të përgatitur enkas nga Qendra Kulturore e Fëmijëve në Bashkinë Bulqizë.🇦🇱
Pas dy ditësh festime nga fëmijët e kopshteve dhe klasave parashkollore në institucionet arsimore të qytetit, talentet e Qendrës Kulturore të Fëmijëve sollën një tjetër atmosferë festive në qytet.
Në prani të prindërve dhe shumë qytetarëve të tjerë, ata interpretuan këngë, valle popullore, si dhe i recituan të gjithë atyre që jetën e tyre ia dedikuan dashurisë për atdheun dhe lirisë së tij.
Aktiviteti u zhvillua në mjediset e Pallatit të Kulturës në Bashkinë Bulqizë, nën kujdesin e Drejtorisë së Arsimit, Kulturës, Turizmit, Rinisë, Sportit, Teknologjisë së Informacionit dhe Komunikimit.
