Lajme nga Bulqiza

27 shtatori i shpresës, Kryetari i Bashkia Bulqizë z.Alla uron nisjen zyrtarisht të vitit të ri shkollor.

Ky 27 shtator shënon një ditë të rëndësishme për mijëra të nxënës, mësues e prindër, si rikthim në vatrat e dijes, pas një periudhe të gjatë plot vështirësi për arsimin.🏣📚

🔸Kryetari i Bashkia Bulqizë uron fëmijët, të cilët zyrtarisht ulen për herë të parë në bankat e shkollës, për të ngjitur shkallët e suksesit e për të trokitur në portën e së ardhmes!🌹

🔸Shumë suksese edhe për ata që po rikthehen pas pushimeve!
Respekt e mirënjohje ndaj mësuesve, heronjve tanë të ditëve të vështira, që me shumë sakrifica dhanë nga vetja duke bërë më të mirën në rrugën e dijes për brezat e rinj!🌹

🔸Prindërit, përkushtimi ndaj arsimit i të cilëve përbën një shembull unik në botë, meritojnë gjithashtu respekt dhe mirënjohje të veçantë!🌹

Suksese në vitin e ri shkollor 2021-2022!

September 27, 2021 in Lajme nga Bulqiza

Në kuadër të Ditës Evropiane të Sportit Shkollor, Bashkia Bulqizë ka organizuar sot një “Garë vrapimi” për grupmoshën 10 – 15 vjeç.

Në kuadër të Ditës Evropiane të Sportit Shkollor, është organizuar sot organizon një “Garë vrapimi” për grupmoshën 10 – 15 vjeç.

Aktiviteti ishte bashkëpunim midis Bashkisë Bulqizë dhe Zyrën Vendore të Arsimit Parauniversitar Bulqizë, nën kujdesin e Kryetarit të Bashkisë, z.Lefter Alla.

Në këtë garë morën pjesë rreth 70 fëmijë nga shkollat 9-vjeçare të Bashkisë Bulqizë.

Aktiviteti nisi në orën 9:00 në aksin e rrugës së Vramit, në përfundim të së cilës u ndanë edhe çmimet për tre fituesit.

September 24, 2021 in Lajme nga Bulqiza

Bashkia Bulqizë organizon “PANAIRI I PRODUKTEVE BIO” dhe “BULQIZA PUNON TOKËN”.

Organizohet “PANAIRI I PRODUKTEVE BIO” dhe “BULQIZA PUNON TOKËN”.

Me praninë e Prefektit të Qarkut Dibër z.Nexhbedin Shehu dhe Kryetares së Këshillit të Qarkut Dibër znj.Valentina Haliti Doda, përfaqësuesve të pushtetit vendor, dhjetëra qytetarëve dhe fermerëve nga e gjithë Bulqiza u organizua sot “PANAIRI I PRODUKTEVE BIO” dhe “BULQIZA PUNON TOKËN”.

Panairi u zhvillua në tregun e ri të rikonstruktuar të Shupenzës, ku ndaj produkteve më të mira nga të gjitha njësitë administrative të bashkisë tonë pati një interes të jashtëzakonshëm.

Kryetari i Bashkisë Bulqizë, z.Lefter Alla u shpreh se mbështetja e bujqësisë do të jetë nga prioritetet e punës së tij. “Shumë shpejtë, me hapjen e rrugës së Arbrit dhe asaj Ura e Çerenecit-Zgosht (Librazhd), mjalti, jufkat, bulmeti, frutat e perimet e zonës, të gjitha BIO, do t’i serviren jo vetëm tregut lokal, por edhe atij kombëtar e rajonal.”, tha ai.

Sipas kryebashkiakut Alla, qindra kilometra kanale ujitëse të hapura dhe ndërtuara gjatë këtyre dy viteve dhe politikave për të mbështetur bujqësinë po japin rezultate konkrete. Ai u shpreh se “Prodhuar në Bulqizë” do të jetë brandi i produkteve më cilësore BIO, që së shpejti do të gjenden në tregjet kombëtare, rajonale e më gjerë.

September 23, 2021 in Lajme nga Bulqiza

Kryetari i Bashkisë Bulqizë z.Lefter Alla ka inspektuar punimet në asfaltimi e rrugës Ura e Serbinit-Shtushaj.

Një lajm i mirë për rreth 3000 banorë që preken nga ndërtimi i rrugës Ura e Serbinit-Shtushaj.
Kryetari i Bashkisë Lefter Alla ka qenë i pranishëm teksa ka nisur asfaltimi i kësaj rruge.
Teksa pritet që asfaltimi të përfundojë brenda një kohe shumë të shkurtër, fshatrat që do të përfitojnë drejtpërdrejt prej saj janë  Okshatina, Homezhi, Kovashica, Zogje, Shtushaj, por edhe Bllaca, Gjurasi e Mazhica.
Rruga Ura e Serbinit-Shtushaj ka qenë ndër më problematiket në mbarë territorin e Bashkisë Bulqizë.
Vetë kryetari Alla dha lajmin e mirë se shpejti do të nisë edhe shtrimi me asfalt i rrugës Ura e Çerenecit-Zgosht.

September 14, 2021 in Lajme nga Bulqiza
AlbaniaUSA