NJOFTIM PER DEGJESE PUBLIKE date 24.04.2024, ora 16:00 ne NJA Gjoricë, në Ramnagore.

U zhvilluam mbledhja e parë për vitin 2024 e Këshillit Vendor për Sigurinë Publike, ku u diskutuan një sërë çështjesh lidhur me sigurinë vendore dhe planifikimin e përbashkët të burimeve në dispozicion.

Në këtë takim u dakortësua se në përputhje me Planin e Pastrimit Kombëtar, skuadrat e pastrimit dhe gjelbërimit të BashkisëBulqizë do të jenë në aksion çdo të premte për pastrimin e vendit deri te hapësirat periferike. Po ashtu, u diskutuan dhe u propozuan aksione konkrete lidhur me qarkullimin rrugor, ku do të shtohen masat me qëllim rritjen e parametrave të sigurisë rrugore dhe garantimin e rendit publik.

Një tjetër çështje e trajtuar ishte kultivimi i lëndëve narkotike, për të cilën Bashkia ka aktivizuar dhe mbledhur edhe më herët të gjitha strukturat përgjegjëse, për të diskutuar koordinimin e punëve në nivel vendor dhe qendror.  E rëndësishme dhe prioritare ishte edhe diskutimi për hapjen e tregut të produkteve bujqësore, si dhe për punën që mund të bëhet për të lehtësuar qasjen e tregtarëve në këtë hapësirë funksionale dhe të domosdoshme, veçanërisht për sigurinë e produkteve të tregtuara.

Në një kohë kur sëmundjet kardiake, obeziteti, diabeti etj., po shfaqen gjithnjë e më shumë edhe tek të rinjtë, duke pasur një ndikim të qenësishëm në cilësinë e jetës, është e rëndësishme të bëhemi pjesë e aktiviteteve që i kushtohen sportit dhe aktivitetit fizik.

Ndaj, sot, më 6 prill, në Ditën Ndërkombëtare të Sportit për Zhvillim e Paqe, organizuam një sërë aktivitetesh me pjesëmarrjen e të rinjve dhe të rejave, nën kujdesin e veçantë të #BashkisëBulqizë, duke promovuar sportin dhe aktivitetin fizik si një gjuhë universale dhe mjet për edukim, shëndet, përfshirje sociale, zhvillim të rinisë dhe ndërtim të një mjedisi bashkëpunues e paqësor.

Konkursi i Gjuhës Shqipe mes nxënësve të shkollave 9-vjeçare ne Bulqize! Aktivitete domethënëse që po zhvillohen në të gjithë sistemin arsimor në kuadër të Vitit të Gjuhës Shqipe të shpallur nga Ministria e Arsimit dhe Sportit.

Synimi i këtij konkursi është të nxisë ndjenjën e krenarisë dhe përkatësisë te fëmijët që në moshë të vogël, duke i shtyrë ata të eksplorojnë thellësitë e gjuhës dhe letërsisë shqipe.

Një bravo e madhe për të gjithë nxënësit e përfshirë në këtë aktivitet dhe suksese të mëtejshme shkollës 9-vjeçare “Shefqet Tançi” në Bulqizë, e cila fitoi vendin e parë në konkurs dhe do të përfaqësojë ZVAP-në Bulqizë në fazën tjetër në nivel DRAP-i.