Lajme nga Bulqiza

Krahas Kryetarit të Bashkisë Bulqizë, z.Lefter Alla, në këtë ceremoni morën pjesë edhe Sekretari i Përgjithshëm i Ministrisë së Arsimit dhe Sportit, z.Erzen Tola, Zv.Ministrja e Turizmit dhe Mjedisit, znj.Almira Xhembulla, Deputeti i qarkut Dibër, z.Lavdrim Krrashi, Drejtoresha e Arsimit Para Universitar, znj.Rezarta Alla, drejtues të drejtorive rajonale arsimore në rang vendi, shumë mësues e ish-mësues, nxënës e ish-nxënës dhe arsimdashës nga Bulqiza.

Ministrja e Arsimit dhe Sportit, znj.Evis Kushi, mori pjesë përmes një video-mesazhi, ku shprehu urimet të përzemërta në 100 vjetorin e shkollës së parë të Gjuhës Shqipe të hapur në këtë krahinë, që mban emrin e dëshmorit, liridashësit, rilindasit që e donte me gjithë zemër dijen dhe arsimin, patrioti gollobordas, Elez Koçi, i cili luftoi dhe u vra për lirinë e këtij vendi. “Gollobordasit kanë qenë dhe janë patriotë, shumë arsimdashës dhe kanë ecur në këtë rrugë duke mbrojtur traditat arbërore. Nga bankat e shkollës Elez Koçi kanë dalë intelektualë dhe mjeshtra që i kanë shërbyer shumë këtij vendi. Disa prej tyre kam pasur fati ti njoh nga afër dhe madje ti kem kolegë dhe bashkëpunëtorë të ngushtë në punën time. Shkolla juaj ka qenë, është dhe do të jetë një vlerë e shtuar në sistemin tonë arsimor. Dhjetëra dhe qindra vajza dhe djem të Ostrenit dhe Gollobordës i mbeten mirënjohës kësaj shkolle dhe mësuesve të tyre, sepse ata i formuan dhe i dhanë atdhedashurinë, respektin për punën, respektin për njëri-tjetrin. Ndaj dhe shpreh një mirënjohje të veçantë për secilin mësues të nderuar që ka punuar dhe punon për edukimin e brezave. Gëzuar 100-vjetorin e shkollës, gëzuar festat e 28-29 nëntorit!”, u shpreh znj.Kushi në mesazhin e saj.

Në fjalën e tij përshëndetëse, Kryebashkiaku Alla tha se ndihem i nderuar dhe se e konsideron si privilegj faktin që sot ishte aty si Kryetar i Bashkisë Bulqizë, në një ceremoni që shënon 100 vjetorin e shkollës shqipe të Ostrenit të Madh. “Plot një shekull më parë, në nëntor të vitit 1922, këtu në Ostren të Madh, çeli dyert shkolla e parë shqipe, si një qendër institucionale e shtetit shqiptar prag monarkik të kohës. Bëhet fjalë për një datë me vlera të mëdha historike, pasi në qendër të Gollobordës dhe banorëve të saj arsimdashës, kjo shkollë nisi aktivitetin e saj, mësimin në gjuhën shqipe, si njësia bazë e identitetit kombëtar të të gjithë krahinës.”, tha ai ndër të tjera.

Ai ndodhet pranë Bibliotekës në Pallatin e Kulturës dhe do të jetë në funksion të çdo të interesuari.

Këndi Arkivor shërben për efekt studimor. Studiuesit gjatë kohës që shfrytëzojnë Këndin duhet të zbatojnë rregulloren e Bibliotekës së qytetit të Bulqizës.

Regjistrimi në sallën e studimit kryhet nga çdo kompjuter me lidhje me internet, jashtë këtij Këndi Arkivor, në adresën katalogu.arkiva.al. Pas aprovimit, që zgjat një ditë pune, aplikuesit pajisen përmes emailit me fjalëkalimin për të hyrë në sallën e studimit.

Pasi janë regjistruar, mund të porosisin dosjet që dëshirojnë të konsultojnë, si në këtë Kënd Arkivor, po ashtu edhe në çdo kompjuter tjetër që ka lidhje me internet, në adresën katalogu.arkiva.al.

Dosjet e porositura nga shërbehen ditën që kanë përzgjedhur në sistem dhe qëndrojnë të qasshme për pesë ditë pune.

Kushdo që dëshiron të porosisë kopje digjitale të një ose disa dokumenteve, duhet të ndjekë udhëzimet që ofron sistemi, përfshi edhe mënyrat e pagesës.

Z.Alla ndau me ta punët e kryera gjatë këtyre tre viteve, teksa theksoi se ndërtimi i ujësjellësit të Gjoricës është një nga më të rëndësishmit për këtë zonë. “Gjorica, nga popullimi i saj e deri para një viti ka vuajtur për ujin e pijshëm. Për herë të parë, ne ia dolëm të bënim realitet një nga projektet shumë të rëndësishme për banorët e kësaj zone. Edhe pse furnizimi me ujë të pijshëm duhet të ishte zgjidhur para shumë kohësh, na u desh neve që ta realizojmë këtë ëndërr.”, tha Alla ndër të tjera.

Më tej, ai vlerësoi se nevojat e Gjoricës për më shumë investime në infrastrukturën rrugore, kanale ujitëse dhe përmirësim të shërbimeve publike mbeten prioritetet e punës së Bashkisë Bulqizë për vitin e ardhshëm.