Ardhja e festave kombëtare të 28 dhe 29 nëntorit ka sjellë edhe organizimin e disa aktiviteteve në Bashkinë e Bulqizës.

🇦🇱🇦🇱Festat e nëntorit janë pritur me performancën e talenteve të vegjël të grupeve parashkollore në shkollat 9-vjeçare“Xhevdet Doda”dhe”Shefqet Tançi”🇦🇱
🇦🇱Përmes këngëve dhe recitimeve, vogëlushët shprehën sipas mënyrës së tyre dashurinë për atdheun dhe vlerësimin ndaj figurave historike, patriotëve shqiptarë dhe dëshmorë të shumtë që sakrifikuan jetën për pavarësinë dhe çlirimin e Shqipërisë.🇦🇱
🇦🇱Aktiviteti u zhvillua në mjediset e Pallatit të Kulturës në Bashkinë Bulqizë, nën kujdesin e Drejtorisë së Arsimit, Kulturës, Turizmit, Rinisë, Sportit, Teknologjisë së Informacionit dhe Komunikimit.🇦🇱

Bashkia Bulqizë jep titullin “Qytetar Nderi i Bulqizës” pas vdekjes për Fatmir Ahmet Beqirin.
Ceremonia u organizuar në Pallatin e Kulturës së qytetit, në prani të familjarëve, të afërmve dhe shumë figurave intelektuale nga Bulqiza, por jo vetëm. Në fjalën e tij përshëndetëse, Kryetari i Bashkisë Z.Lefter Alla u shpreh se do të dëshironte që këtë ccmim t’ia dhuronte vetë atij dhe në këtë ditë të shënuar t’i uronte edhe ditëlindjen, duke e falenderuar për gjithë kontributin që ka dhënë për komunitetin. “Fatmiri është i disati emër që ne po vlerësojmë me titullin ‘Qytetar Nderi’, por figurën e tij e përkujtojmë sot në një moment krejt ndryshe, në 75 vjetorin e lindjes e duke mos e pasur pranë, për t’i uruar ditëlindjen dhe për ta falënderuar miqësisht për gjithçka që ka bërë ndër vite për Bulqizën.”, tha kryetari Alla.
Më tej ai theksoi faktin se Fatmir Ahmet Beqiri është ndër ata figura intelektuale të Bulqizës, i cili do të kujtohet ndër breza për dy gjëra kryesore.
“Së pari, fatmirësisht ai u trashëgoi familjarëve të tij dhe gjithë komunitetit bulqizak korrektësinë, sinqeritetin dhe përkushtimin maksimal ndaj punës, ku për vite me radhë, la gjurmë në çdo sektor minerar ku punoi, duke u kthyer në një burim frymëzimi për shumë kuadro të tjerë të minierës.
Së dyti, fatkeqësisht, ishte nga ata figura intelektuale që u përball me padrejtësi sa të regjimit totalitar të para vitit 1990, po aq edhe të atij postkomunist. Faktet që shoqërojnë jetëshkrimin e tij na i tregojnë më së miri këto dy anë të medaljes.” u shpreh ndër të tjera Kryetari i Bashkisë, z.Alla.
Duke iu drejtuar familjarëve dhe të afërmve të Fatmir Beqirit, kryetari Alla tha se ata duhet të jenë krenar për njeriun e tyre të shtrenjtë, i cili në çdo moment të karrierës së tij, diti si të shkëlqejë jo vetëm me profesionalizëm, por edhe me karakterin human që e karakterizonte, për të përçuar dijet e tij tek njerëzit që e rrethonin.

Këshilli Bashkiak i Bashkisë Bulqizë ka zhvilluar sot mbledhjen e radhës  për muajin Nëntor 2021.
Në mbledhje u diskutuan një sërë çështjes dhe në përfundim u miratuan vendimet e mëposhtme:

✅ Vendim për dhënien e ndihmës ekonomike nga grandi 6% të fondeve të deleguar për muajin Tetor  2021.

✅ Vendim  për miratim fondi për ndihmë shtetërore financiare për Z.Gentian Demiri.

✅ Vendim  për miratim fondi për ndihmë shtetërore financiare për Z.Asllan Çupi.

✅ Vendim  për miratimin e masave për kostot e menaxhimit të integruar të mbetjeve.

✅ Analizë e Planit Social dhe barometri gjinor në Bashkinë Bulqizë.

Bashkia Bulqizë ka përkujtuar përpjekjen dibrane kundër pushtuesve serbë 1912-1921.
Në aktivitet morën pjesë Kryetari i Bashkisë Lefter Alla, veteranë dhe intelektualë të Bulqizës.

Në fjalën e tij përshëndetëse, kryebashkiaku Alla vuri theksin në rëndësinë e përkujtimit të këtyre ngjarjeve, si një domosdoshmëri jo vetëm për të skalitur në kujtesën e popullit tonë vetëm momentet historike që shënojnë lirinë e atdheut, por edhe për të respektuar sa më denjësisht dëshmorët tanë. “Sot është detyrë e jona të skalisim në kujtesën e popullit tonë jo vetëm momentet historike që shënojnë lirinë e atdheut, por edhe të respektojmë sa më denjësisht dëshmorët tanë, duke i mbajtur në mendje e zemër, si hajmali që do të mbrojnë dhe kultivojnë në kujtesën tonë parime të rëndësishme mbi të cilat duhet të zhvillohet shoqëria jonë moderne. Ne duhet të edukojmë breza, ku mes të tjerash t’u mësojmë që të kthejnë kokën pas e të shohin rrugën që është bërë për të ardhur deri në ditët ku jetojmë.”, tha kryetari Alla.
Teksa bërë një kronologji të luftës 9 vjeçare, kryebashkiaku Alla solli në vëmendje trimërinë e shumë patriotëve shqiptarë, të cilët sipas tij, edhe pse me armë nga më modestet për kohën, mbrojtën vatanin e tyre përballë ushtrive serbe e malazeze, të pajisura me armatimet më bashkëkohore të asokohe. “Historia jonë do të shënojë me germa të arta betejat heroike të dibranëve me 5 krajlat e Serbisë, Greqisë, Bullgarisë, Malit të Zi dhe Jugosllavisë së asaj kohe, mbretërisë serbo-kroate-sllovene. “, u shpreh z.Alla.
Më tej, kryebashkiaku u shpreh se “Sot, pas mëse një shekulli, e themi me bindje të plotë se lufta e këtyre mijëra bijve e bijave të Dibrës ishte e drejtë, pa shpenzuar asnjë lloj energjie për ideologji të ndryshme, përveç dashurisë që ata kishin për atdheun. E nëse ne sot jetojmë të lirë në këtë Shqipërinë tonë, kjo është falë trimërisë dhe guximit që treguan këta njerëz të sakrificës, të cilët lirinë e kishin busull për jetën e tyre.”.
Aktiviteti u zhvillua nën kujdesin e Drejtorisë së Arsimit, Kulturës, Turizmit, Rinisë, Sportit, Teknologjisë së Informacionit dhe Komunikimit.