Lajme nga Bulqiza

Në edicionin e 28-të të festivalit mbarëkombëtar 𝐎𝐃𝐀 𝐃𝐈𝐁𝐑𝐀𝐍𝐄, ku 𝘢𝘳𝘵𝘪𝘴𝘵𝘦𝘵 𝘯𝘨𝘢 𝘉𝘶𝘭𝘲𝘪𝘻𝘢 𝘭𝘢𝘯𝘦 𝘨𝘫𝘶𝘳𝘮𝘦 𝘯𝘦 𝘬𝘶𝘫𝘵𝘦𝘴𝘦𝘯 𝘦 𝘢𝘳𝘵𝘥𝘢𝘴𝘩𝘦𝘴𝘷𝘦 që mbushën sallën e Pallatit të Kulturës në Peshkopi

𝐎𝐃𝐀 𝐃𝐈𝐁𝐑𝐀𝐍𝐄 bëri bashkë një sërë grupesh artistike nga qytete dhe treva të shumta shqiptare, ku përfaqësuesit e Bulqizës, përmes artit e kulturës tradicionale që përcollën, lanë gjurmë në kujtesën e artdashësve dibranë.
Bulqiza u përfaqësua në këtë festival me vallet e Gollobordës, Martaneshit e Bulqizës, dhe me këngët “Babë Fejzë Bulqiza” dhe “O Bilbil more Bilbil”.
Vallja e Gollobordës u interpretua nga Merjeme Muça, Dallëndyshe Tola, Enxhi Tola, Drita Koçi, Sajmira Muça, Serjana Muça, Dallëndyshe Tola, dhe u shoqërua në instrument nga Xhevat Kodra në curle dhe Zabit Kodra në lodër.
Rapsodi Adem Ceni, i shoqëruar nga Hajri Alimani dhe Besnik Dema interpretuan këngën Baba Fejzë Bulqizën.
Vallja e Martaneshit u kërcye nga Anina Rrushi, Hume Cukali, Alesia Haslika dhe Danjela Murati, të shoqëruar në instrumente nga Kujtimi Shehu (Firzamonikë), Xhevat Kodra (Curle) dhe Zabit Kodra (Lodër).
Jeta Mazari tërhoqi vëmendjen e artdashësve dibranë përmes këndës “O Bilbil more Bilbil”.
Prezantimi i artistëve që përfaqësuan Bulqizën në Odën Dibrane u mbyll me “Vallen e Bulqizës”, ku në skenë ishin Malvina Peti, Hane Përkola, Brunilda Musaj, Zemrie Peti, Anisa Hysa për vallen e grave dhe Vëllezërit Sinan e Selim Alliu për vallen e burrave.
Ky ishte edicioni i 28-të i festivalit mbarëkombëtar “Oda Dibrane”.
October 16, 2022 in Lajme nga Bulqiza

U zhvillua sot në prezencën e kryetarit të bashkisë z.Lefter Alla një takim me ekipin e Bankës Botërore

U zhvillua sot në prezencën e kryetarit të bashkisë z.Lefter Alla një takim me ekipin e Bankës Botërore #SilviaMauri Senior Agricultural Specialist dhe #Xueling Li,PhD Agriculture Economist & Agriculture and Food Global Practice dhe Fermerë të frutave dhe perimeve të zonës tonë, ku u diskutua mbi vështirësitë e mëdha që hasin këto fermerë në të gjithë procesin e punës së tyre duke nisur nga mbjellja,ruajtja dhe deri tek shpërndarja e konsumatorit.
✅Në takim u theksua mbështejta e madhe që ka dhënë Bashkia në ndihmesë të bujqësisë si në përmirësimin e sistemit vaditës ashtu dhe në këshillimin për përfitimet e granteve bujqësore.
Fermerët ngritën shqetësimin e tyre mbi ngritjen e një pike grumbullimi në mënyrë që të garantohet tregu i prodhimeve të tyre.
October 5, 2022 in Lajme nga Bulqiza

Sot në promovimin e dhjetë botimeve të autorit Demir Rusi në Bulqizë .

Sot në promovimin e dhjetë 📚📝botimeve të autorit Demir Rusi në 📍Bulqizë . Të pranishëm ishin shumë emra të njohur të artit dhe kulturës shqiptare. Një vlerë e shtuar në këtë aktivitet ishte edhe artistja e madhe znj.Margarita Xhepa e cila interpretoi vargje të krijimitarisë së autorit.
Urojmë suksese në vazhdimësi dhe sa më shumë krijime të tjera✍️
October 3, 2022 in Lajme nga Bulqiza

Në kuadër të “Tetorit të Librit”, Bashkia Bulqizë në bashkëpunim me  Shoqatën  Atdhetare Kulturore Bulqiza ka organizuar një aktivitet kulturor, ku janë vlerësuar disa autorë bulqizakë për botimet e tyre historike rreth Bulqizës.

Në kuadër të “Tetorit të Librit”, Bashkia Bulqizë në bashkëpunim me  Shoqatën  Atdhetare Kulturore Bulqiza ka organizuar një aktivitet kulturor, ku janë vlerësuar disa autorë bulqizakë për botimet e tyre historike rreth Bulqizës.
Autorët e vlerësuar me certifikatë mirënjohjeje janë #BashkimLami, #YmerKeta, #KadriDauti, #ArifShutina, #AgimDemiri dhe #DestanRama.
Pjesëmarrës në këtë aktivitet ishte edhe Kryetari i Bashkisë Bulqizë z.Lefter Alla, i cili i vlerësoi studimet e tyre si vepra që dokumentojnë dhe përjetësojnë histori, tradita dhe vlera të Bulqizës dhe bulqizakëve në periudha të ndryshme të historisë, të cilat do të shërbejnë në ruajtjen e memories kolektive të gjithë kësaj krahine.
October 1, 2022 in Lajme nga Bulqiza
AlbaniaUSA